غزل

منجانب

 

غزل

آنکھوں سے ان بستیوں  کا اُجڑنا دیکھا
قہر کی آغوش میں شہروں کا تڑپنا دیکھا

خونخوار ہواوں کا سینے میں اتر کر
جسم  سے جان کا ٹوٹتا رشتہ دیکھا

آج  کھڑکی سے جھانک کر میں نے
پرندے آزاد دیکھے قید میں زمانہ دیکھا

غم زندگی یوں بھی کہاں کم تھا کہ جو
اب یہ  دوری، جدائی اور عالم  تنہائی دیکھا

جو روح کا سکون ہوا کرتی تھی باد صبا اب اُسے
گھروں کے  روشن   چراغ  بجھاتے  دیکھا

شعلوں کی ہمت ٹوٹ چکی، مٹی کا بھی بھر گیا سینا
اب کے اپنوں کی لاشوں کو گنگا میں بہاتے دیکھا

سناٹے  میں لپٹی  بستیاں رہ رہ کے کہہ رہی ہے
ہم نے  ہر گھڑی انسانیت کو پامال ہوتے دیکھا


آسیب زدہ دور کے بے دردحکمرانوں  کو
علم سے بے بہرہ اور عقل سے ناتوان دیکھا

وعدوں اور ارادوں کی ہوا جو چلی تھی کبھی

نہ  کہیں تبدیلی دیکھی نہ کہیں وکاس دیکھا

راستے  خوفزدہ،  اور  منزلیں ویران
نہ کہیں گل چمن میں نہ کہیں بہار دیکھا

مل جائیں کہیں شجرؔ  تو کہنا اسے کہ کل رات
خواب میں  تیرے ساتھ  گزار  وہ زمانہ دیکھا

ریحانہ شجر ،    وزیر باغ سرینگر                                                                                                                      

                rehanashajar@gmail.com                                                                                                                                         

 

تبصرے

ایک تبصرہ شائع کریں

اس بلاگ سے مقبول پوسٹس

کہانی(انوکھا سفر)

منجانب
  انوکھا سفر سیل فون بجنے کی آواز آئی تو ایمنؔ نے جلدی سے اٹھایا بھائی سے بات کرتے ہوئے جذباتی ہو کر بولی ‘بھائی تمہاری بہت یاد آتی ہے. کیسے ہو ؟ دل لگتا ہے کہ نہیں ؟ شہر کیسا ہے  لوگ کیسے ہیں ’. اتنے سارے سوالات ایک ساتھ پوچھے کہ امانؔ ہنس پڑا اور کہا ‘بس کرو  میں ابھی ویڈیو کال کروں گا سب بتادوں گا، امی کو بھی بلا ’۔ ‘ٹھیک ہے’ ایمن بہت خوش ہوکر بولی. ایمن نے لیپ ٹاپ آن کیا اور شروع ہوگئی۔  بہت دیر تک باتیں کرتے رہے، امان نے  پوچھا امی کدہر ہے۔  وہ زور کا قہقہہ لگا کر بولی آپ بھول گئے  وہ نماز پڑھ رہی ہے . جتنی دیر وہ نماز  مکمل کرتی ہے میں اتنے وقت میں  شہر گھوم کے آوں گی۔  امان کو ویڈیو میں پیچھے امی نظر آئیں اور بولا ‘امی آرہی  ابھی تیری خبر لےگی’۔  امی (افشان ؔ) جلدی نماز مکمل کر کے  آئی  اسکو  ایمن کی باتوں سے اندازہ ہو گیا تھا کی امان  فون پر ہے اس لئے  نماز جلدی  مکمل کی، بولی  کیا باتیں ہو رہی ہیں . تینوں ہنس پڑے  ایمن  تھوڑا  ہٹ گئی اور امی کےلئے جگہ بنالی۔ افشان ...
Read more »

کہانی (عیدی)

منجانب
  عیدی ز عفرانی قہوہ  اور شیرمالوں کی خوشو سے  ہوائیں معطر ہو رہی ہے.  آج عید کا مبارک دن  ہے . بچے ہوں یا بڑے عید کی تیاری میں سبھی جٹے رہتے ہیں .نت نئے ملبوسات اور دیگر لوازمات بازاروں کی چہل پہل  ہر سوں دیکھنےکو مل ت ی ہیں. عورتوں اور بچوں کی تیاری خاصی دلچسپ اور قابل دید ہوتی ہے ۔ کوئی جوتوں کے تسمے ٹھیک کرتا ہے ۔   کوئی لباس درست کر رہا ہے ۔  چھوٹی لڑکیاں ہاتھوں کی مہندی کو دیکھ کر خوش ہو  رہیں ہیں .خوبصورت فضاء ہے اور آفتاب کتنا پیارا لگ رہا ہے گویا ساری کائنات کو عید کی خوشی پر مبارکباد دے رہا ہو ۔ کیوں نہ ہو، رحمتوں اور برکتوں سے بھرا مہینہ رخصت ہوا۔ شکرگزاری کی رونق ہر طرف دیکھتے ہی بنتی ہے۔ سارے بچے خوش کسی نے  ایک  روزہ رکھا تھا تو کسی نے  آدھے دن کا  لیکن  عید گاہ جانے کے لئے سارے  بیتاب.  ان کو عیدی کیا مل گئی سارے بچے اپنی جیبوں میں  بار بار ہاتھ ڈال کر  ایسے خوش مانو خزانے مل گئے ہوں۔ ان چند روپوں سے ساری دنیا خریدنے نکلنے۔ روزے بڑے، بزرگوں اور جوانوں کے لئے ہیں مگر بچوں...
Read more »

پھر ملیں گے…….. دوست!

منجانب
پھر ملیں گے …….. دوست ! کیپ ٹاوٗن کے مرکزی شہر میں رہایش پزیر ،دونوں دوست آد ؔ م اور شؔہیر کھانا کھانے کے بعد باتیں کرتے رہے۔ کافی وقت بحث کرتے ہوئے گزرا ۔ آخر میں شہیر نے آدم سے کہا  دیکھو دوست کچھ  باتیں ایسی ہوتی  جو عقل اور شعور سے پرے ہوتی ہیں ۔ ان کو ایسے ہی قبول کرنا بہتر ہے۔ میں  تو اس بات کو مانتا ہوں کہ  ہمارے آ س پاس کچھ  ان دیکھی قوتیں  ہیں  جیسے فرشتے، روحیں وغیرہ  ۔            آدم  نے  بےتکلفی سے جواب دیا ، ’یار اس وقت میرے پاس بحث کر نے کے لئے وقت  نہیں ہے  کیونکہ مجھے جانے کی تیاری بھی کرنی ہے۔   چند مہینوں کی بات ہے، پھر تفصیل سے اس بارے میں بات کرینگے۔شہیر نے  کہا ’ ٹھیک ہے دوست ،   اپنا خیال رکھنا  ،  اور آدم کو گلے لگا کر کہا،مجھے اجازت  دو،  ۔۔۔پھر ملیں گے۔  دوسرے صوبے یعنی مشرقی کیپ ٹاوٗن میں  آدم نے اپنا کام شروع کیا۔ وہ  اس  بات  سے  بخوبی واقف  تھا کہ کام بڑے...
Read more »